Dinaka ran salu palanda
දිනක රන් සළු පළඳා
Music :   වික්ටර් රත්නායක
Singer :   මිල්ටන් මල්ලවාරච්චි

දිනක රන් සළු පළඳා ...
දිනෙක රන් සළු පළදා
සඳ නැගි මේලාවෙන්
පැමිණ ඔබ ගෙන යමි කුමරියේ
පෙම් දෝලාවෙන් //

ඇසුරු කල කම්පන හා සැනසිලි පස මිතුරු
ගෙවුණු යෞවන විය තනි නොතනියේ උන් අයුරු
නැවත නොලිහෙන ලෙස රැහැනින් බැඳලා පවුරු
සතුට ගෙන දිය හැකි ඔබ හැර ඇතිදෝ කවුරු 

දිනෙක රන් සළු පළදා
සඳ නැගි මේලාවෙන්
පැමිණ ඔබ ගෙන යමි කුමරියේ
පෙම් දෝලාවෙන් 

වියළි මග මහ වැලි කාන්තාර පසු කරවා
පවස සන්සිඳවන ලෙස දිය උල්පත් හරවා
පරව ගිලිහෙනතුරු සියොළඟ කලු සළු පොරවා
ඔබය දිය යුතු හිස්වන විට දිවි විත පුරවා

දිනෙක රන් සළු පළදා
සඳ නැගි මේලාවෙන්
පැමිණ ඔබ ගෙන යමි කුමරියේ
පෙම් දෝලාවෙන්
Lyrics :   ප්‍රේමකීර්ති ද අල්විස්.
Music :   වික්ටර් රත්නායක
Singer :   මිල්ටන් මල්ලවාරච්චි